Rabu, 18 Februari 2015
Harok Kabuliah Cameh Kahilangan.
Harok
Kabuliah Cameh Kahilangan.
Kok
ka buliah jan harok bana, kok ka hilangan jan cameh bana.
Pulangkan
sajo kapado Allah swt
nan Maha Kuaso, kito hiduik dalam aturan Nyo.
Iduik
bakulik dunia, mati bapandam tanah, dari iqamat ka takabia..
Bara
bana cito dirangkuah, auih batambah latiah juo,
Samakin
dipaluak kurang nan ado, itulah harakat nafsu nan ko.
Minggu, 15 Februari 2015
SIFAT PENDENDAM YANG SERING PADA DIRI MANUSIA MUSLIM
DENDAM
Sifat dendam bersumber dari sifat MARAH, bila seseorang
marah pada orang lain, tetapi tidak dapat melampiaskan kemarahannya karena sifat sifat tertentu , seperti karena
merasa lebih lemah atau karena malu, maka pada diri orang yang marah tersebut
ada dua kemungkinan :
1.
Dia mampu meredam marah mereka dan memaafkan
kesalahan orang yang menyebabkan dia marah.
2.
DIa memendam marah akan tetapi tidak dapat
memaafkan tindakan yang tidak disenangi
terhadapnya, Jika orang yang marah tersebut dapat memaafkannya berarti dalam
dirinya tidak ada lagi dendam dan sebaliknya
Sifat dendam sifat yang merugikan kedua belah fihak , sifat
dendam memiliki sifat sifat tercela lainnya :
a.
Dengki , Orang yang pedendam slalu di liputi
keinginan agar orang yang di bencinya tidak mendapat kebaikan atau bahkan agar orng di bencinya dapat kesengsaraan…
b.
Berlebihan dalam membalas , orang yang pendendam
selalu akan berlebihan membalas kesalahan orang yang di bencinya , pada hal
agama sangat melarang membalas dengan berlebihan dan mengolongkan pelakunya
sebagai orng yang aniaya (zalim)
c.
Bergembira di atas Penderitaaan Orang lain ,
orang yang pendendam akan merasa kegembiraan jika orang yng dibencinya mendapat
kesusahan , padahal agama melarang sikap demikian , Agama mengajarkan bahwa sesame
muslim harus ikut merasakan kesusahan yang menimpa saudara sesama muslim.
d.
Senang membicarakan kejelekan orang lain, Org
pendendam tidak akan melihat kenyataan secara jujur , dia akan melihat orang
yang di bencinya dengan penuh kejelekan , pandangannya ini akan terbawa jika
dia berbicara dengan orang lain . Padahal agama dengan tegas melarang umatnya
membicarakan kejelekan atas aib seseorang
e.
Orang Pendendam cendrung senang menyebar luaskan
rahasia orang lain, kalau bisa orang2 yang mndengarkannya ikut dalam dendam
mereka tsb.
Nabi bersabda dalam suatu
Hadist yang artinya :
Orang yang paling di benci Allah
adalah orang paling pendendam (Hadist Riwayat Bukhari Muslim)
Senin, 26 Januari 2015
PASAMBAHAN DI PAKUBURAN
ALUA DI PAKUBURAN
Sipangka :
Dt N Sati
Karib Kabiah :
Dt N Batuah
Sipangka
: Dt Nan Batuah , samba tibo bakeh datuak
K.Kabiah :
Sambah di Allah, manitahlah datuak
Sipangka :
Sambah nan ambo tibokan bakeh datuak, dilahianyo dari ambo, di bathinnyo dari
Sagalo karib kabiah, ipa jo bisan, anak jo
bapak. Sambah nan di tibokan bakeh datuak ,
Maagak ii hari nan sahari nangko, malang ndak
dapek di tolak, mujua ndak dapek di
Raiah bapulanglah baliau karahmatullah,
Dalam bhua nan arek, satia jo nan taguah,
barek di pikua ringan di jinjiang adt bakarib
Bakabiah , baipa ba bisan, baranak babapak,
cupak di isi adat di pakai pihak di kami
Silang nan bapangka, karajo nan bapokok, Allah
ta’ala basifat Qadim, manusia basifat
Khilaf, kok ado nan kilaf khilafat Salah
tangan nan mangakok , capek kaki nan
Malangkah, ataupun muluik nan bakato, nak
mintak rilah jo maaf itu bana diantakan
Bakeh datuak.
K.Kabiah :
Sampai datuak ?
Ma agak ii rundingan datuak nan katangah ,
sunat kato dek baulang pasa jalan dek
Batampuah , buah panitahan datuak nan ka ambo
ulang Apolah nan jadi buah Panitah
an datuak nan katangah , ma agak ii hari nan
sahari nangko malang nan tibo, parasaian
nan tumbuah bapulanglah baliau ka rahmatullah,
Adat dalam buhua nan arek, satia nan
taguah Korong jo kampuang , barek dipikua,
ringan di jinjiang di anta karumpuik nan
layua,
katangah nan lambing adat bakarib bakabiah, baipa babisan, dalam Korong
kampuang atau dalam nagari cupak di isi adat
di pakai, rusuah di pujuak, tangih di
antokkan.
Ma agak ii silang nan bapangka karajo nan
bapokok, tumbuah nan bak banyiah, tabik
Nak bak padi, salah pado Allah mintak TOBAT,salah pado manusia mintak maaf, kok
Ado salah muluik nan bakato, sarato tangan nan
mangakok, atau kaki nan malangkah
Kok ado utang jo piutang nak mintak
dilahiakan, di hadapan karib jo kabiah, Korong
jo Kampuang di hadapan anak jo bapak kan baitu
bana buah panitahan datuak …
Sipangka :
Iyo Bana
K.Kabiah :
Yo ma datuak
Maagak ii rundingan datuak nan katangah bapareh
bak sukatan , balilih bak bacupak
Taracak di kudonyo, tatampuah di jaannyo .
Tapi sungguahpun baitu niniak jo mamak
adok hadang,sarato Korong jo kampuang,ambo
baok kato jo mupakat ambo japuik
kan kabarinyo, laikoh dalam adat nan bapakai
dalam cupak nan baisi nan baitu
datuak.
Sipangka :
Ma agak ii rundiangan datuak nan katangah , umpamo Gombak ateh kapalo,
umpamo
Cikumpai Cikarau dalam nagari, ka ganti
sitawa jo si dingin dalam Korong kampuang.
Tibonyo
dalam adat lamo pusako using, kato di baok jo mupakat datuak.
DT NAN BATUAH MAMBAO KATO MUPAKAT,KAMUDIAN
MANGAMBALIKAN RUNDIANGAN KA DATUAK NAN SATI
K.Kabiah : Ma Datuak !
Di hari nan cako datk saba jo panitahan,
ambo mambaok kato jo mupakat,jo niniak
Mamak, karib jo kabiah, ipa jo bisan,dalm
buek dan arek, satia nan tangguah, duduak
Samo bahadapan, tagak nan samo batantangan,
nan jadi buah barinyo di baliau bakeh
Ambo, sapanjang parmintaan datuak nan
katangah , pintak buliah kandak balaku, di
Nan hiduik mintak jo rilah nan di pakai, di
sipokok saba sajo di pabanyak,Urang saba
Kasihan Allah, pemaaf tinggi harago, nan kami
alah kami maafkan nan di baliau nan
Lah bapulang baa pokok itu kini ? itu nan
kami mintak kapado si pangka, itulah bana
Di antakan bakeh datuak.
Sipangka :
Sampai datuak ?
Dihari n cako ambo saba jo panitahan datuak,mambaok kato jo baiyo,nan jadi buah
Barinyo di baliau, niniak mamak ,suluah
bendang , alim ulama, ahli aka, cadiak pandai,
Nan mudo dalam Korong kampuangataupun dalam
karib jo kabiah parmintaan kami
Nan katangah pintak buliah kandak balaku, ba
apokoh nan dari kami ?
Kan itu bana buah panitahan datuak.?
K.Kabiah :
Iyo bana
Sipangka :
Yo ma datuak
Tantangan rundiangan datuak nan katangah ,
kok di danga nan babunyi, di pandangan
Nan barupo, tibonyo lah dalam adat nan
bapakai, dalam cupak itu nan baisi, tapi
Sungguahpun baitu warih nan bajawek wasiat
nan manarimo, ambo baok kato jo
Mupakat saba datuak jo panitahan, itulah bana
di antakan bakeh datuak.
K.Kabiah :
Kami saba sa kiro kiro
DATUAK NAN BATUAH MAMBAOK KATO MUPAKAT
Sipangka :
Yo ma datuak !
Di hari nan cako datk saba, ambo mambaok
kato baiyo, jo warih nan bajawek wasiat
Nan manarimo, lah labiah dahulu nan maningga
mambari maaf sagalo urang nan ba
Salah nan saagamo jo kito, itu nan kabarinyo
bakeh datuak.
K.Kabiah :
sampai datuak ?
Pintak samo buliah nan kito ba-apo datuak
Sipangka :
Yo ma datuak !
Dahulu kato basitinah, kamudian kato
basicapek , capek tibonyo bakeh datuak,
Kacapek an tibonyo bakeh datuak, maagak ii
rundiangan kito cako, alah ciek jo
Duo, duo jo tigo, kok didanga alah babunyi, di pandang alah barupo,
sungguahpun
Baitu nan jadi pintak juo di kami , adat
bapakai sarak bapakalang, itu juo bana, nan
Ambo antakan bakeh datuak. Nan bakeh ambo. Di
bathinnyo kahadapan niniak
Mamak suluah bendang alim ulama, ahli aka
cadiak pandai, sarato nan mudo dlm
Kampuang, ambo baok kato jo mupakat, bulek
nan buliah di golongkan, picak nan
Buliah di layangkan, lai kok bana nan baitu
datuak.
K.Kabiah :
Kok baitu lah bana.
DT NAN BATUAH MAMBAOK KATO MUPAKAT JO ALIM ULAMA
K.Kabiah :
Yo ma datuak .
Sapanjang buah panitahan datuak nan katangah,
alah di paiyo di pakatokan , dalam
Karib kabiah, ipa jo bisan, suluah bendang
alim ulama, ahli aka, cadiak pandai,
Manuruik pasa nan biaso, Barek biaso sapikua,
Ringan biaso sajinjiang, bababan
Tuluak kapalo, pintak buliah kandak balaku,
itulah bana nan ka ambo antakan
Bakeh datuak.
Sipangka :
Yo ma datuak !
Sabuah pintak alah buliah, kandak alah
balaku, dek kami sagalo pokok pangka, alah
Basabuik jo muncuang, lah bakana jo hati, Ka
ateh samo sapucuak, kabawah samo
Saurek, lah sanang kironyo di hati datuak.
K.Kabiah :
Pintak lah samo buliah, kandak lah samo balaku nan kito ba apo datuak ?
MAKO BADOA LAH SALAH SURANG ALIM ULAMA (imam)
Di PAKUBURAN ITU. NAN LAIN TINGGA MA AMINKAN SAJO
Langganan:
Postingan (Atom)